Wajasiliamali Wapewa Mafunzo

-










Ofisi ya Mkuu wa Mkoa Dodoma imetoa Mafunzo kwa wajasiriamali wadogo ambao wamewezeshwa mitaji ya biashara na Ofisi hiyo ambapo takribani wajasiriamali 20 walishiriki mafunzo hayo ambayo yalifanyika kwenye ukumbi wa Ofisi ya Mkuu wa Mkoa.

Wawezeshaji wa Mafunzo hayo walikuwa wataalamu kutoka  Shirika la Viwanda Vidogo (SIDO) Mkoa wa Dodoma.SIDO ina lengo la kuwasaidia wajasiriamali hao kufungua au kufanya biashara zenye tija.

Akielezea namna ya kufanya biashara yenye tija, Bw. Stephano Ndunguru ambaye ni Mratibu wa mradi SIDO Dodoma, amewafundisha wajasiriamali uhusiano wa Biashara na familia kwani mfanyabiashara asipokua makini na uhusiano huo anaweza kuua biashara wakati lengo lake ni kukuza mtaji kila wakati.

"Kuna tofauti kati ya mmiliki wa Biashara na Biashara yenyewe, hizi ni nafsi mbili tofauti zinazotakiwa kuheshimiana kwani unapokua na Biashara maana yake umejiari hivyo unapaswa kujilipa mshahara"

Naye Msimamizi wa Fedha kutoka SIDO Dodoma Bw. Justine Kahemela alipata nafasi ya kuwafundisha wajasiriamali hao namna ya kutunza fedha zinazotokana na Biashara kwa kununua bidhaa kwa bei za jumla na kujizuia kununua vitu vingi visivyokua na matumizi. "Unaweza ukanunua vitu vingi lakini hauvitumii na hii itapelekea kuyumbisha mtaji na hatimaye kuua biashara, jaribuni kununua vitu ambavyo vina matumizi ili kufanya mzunguko mzuri wa biashara ". Amesisitiza Bw. Kahemela.

Akifunga Mafunzo hayo ya siku moja, kwa niaba ya Mkuu wa Mkoa wa Dodoma Mhe.Anthony Mtaka, Katibu Tawala  Msaidizi Uchumi na uzalishaji Bi. Aziza Mumba, ameshukuru SIDO kwa kuwezesha Mafunzo hayo na amewakumbusha  wajasiriamali hao kuwa Mkuu wa Mkoa Mhe. Mtaka ameguswa na mahitaji yao na amependa kuwasaidia hivyo wasimuangushe katika kutimiza kiu yake ya kuwainua kiuchumi. Pia amewataka kuwa na dhamira ya kuwa na biashara kubwa zaidi, wasibaki hapo hapo wanapoanzia. MWISHO.

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more