"Sanaa na Utamaduni ni Ajira"- RC MTAKA

-


 Mkuu wa Mkoa wa Dodoma Mhe. Anthony  Mtaka ameeleza kuwa Sanaa, Utamaduni  na michezo ni fani zinazotoa ajira kwa vijana na kuchangia kwa kiasi kikubwa katika uchumi wa nchi.

Mhe. Mtaka amesema hayo Julai 23, 2022 Chamwino Dodoma wakati akifungua Tamasha la 13 la Muziki wa Cigogo linaloazimishwa kila mwaka.

"Nawaomba wazazi na walezi kuwaruhusu  vijana wenu  kushiriki shughuli za  Sanaa , utamaduni na michezo ni mojawapo ya ajira ambazo  zinachangia  katika pato la taifa"amesema Mhe. Mtaka

Aidha Mhe. Mtaka ametoa wito  kwa waandaaji wa  tamasha la Cigogo kuliongezea thamani tamasha hilo ili lifikie kiwango cha kitaifa na kimataifa kama lilivyo  tamasha la Sauti za Busara la Zanzibar.

Vilevile Mhe. Mtaka ametumia nafasi hiyo,kumpongeza Mwanzilishi wa Tamasha hilo Dkt. Kedmon Mapana kwa kuaminiwa na Mhe. Samia Suluhu Hassan Rais wa Jamhuri ya Muungano wa Tanzania kuteuliwa kuwa  Katibu Mtendaji wa Baraza la Sanaa la Taifa (BASATA) ambapo amemsihi kuendelea kukuza sanaa kwakua ni kazi ambayo anaijua vyema.

Pia Mhe. Mtaka amewataka wananchi kujitokeza kushiriki zoezi la Sensa Agosti 23,2022 ili kupata takwimu sahihi kwa maendeleo ya nchi.

Naye Mkurugenzi wa Maendeleo ya Sanaa Dkt. Emmanuel Ishengoma ameeleza kuwa dhamira ya   wizara hiyo ni kuhakikisha  inafanya mageuzi  ya Sanaa na Utamaduni kwa kuwa ni Sekta muhimu  zinazotoa ajira kwa vijana na kuchangia katika uchumi wa nchi.

Tamasha la Cigogo linafanyika kwa siku tatu  Julai 22 hadi 24,2022 likiongozwa na Kauli Mbiu "Elimu ya Sanaa ni Muhimu kwa Maendeleo Endelevu " linapambwa na ngoma mbalimbali za kitamaduni kutoka kabila la Wagogo Dodoma.


Mwisho






















Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more