-






 

DODOMA YAJIPANGA KUKABILIANA NA UTORO SHULENI 2023

Mkoa wa Dodoma umejidhatiti kukabiliana na utoro wa wanafunzi shuleni kupitia maazimio yaliyowekwa kwa mwaka 2023 kupitia kikao cha pili cha Kamati ya Ushauri ya Mkoa kilichofanyika katika ukumbi wa Ofisi ya Mkuu wa Mkoa jengo la Mkapa chini ya Mwenyekiti wake Mhe. Rosemary Senyamule, Mkuu wa Mkoa wa Dodoma.

Katika kikao hicho, agenda ya elimu imejadiliwa kwa kina na kupewa msukumo madhubuti ikiwa ni miongoni mwa ajenda nane za kikao hicho kilichojadili masuala mbalimbali ya maendeleo ikiwemo bajeti ya Mkoa, Elimu, Afya, Kilimo, Maji na Mazingira.  

Mkoa wa Dodoma unakabiliwa na changamoto kubwa ya utoro kwa wanafunzi wa Shule za Msingi na Sekondari huku sababu kubwa zikitajwa kuwa ni ukosefu wa chakula shuleni, Wazazi/Walezi kutoipa thamani stahiki elimu hivyo kutowajibika kwa malezi ya watoto wao, Viongozi wa Vijiji kushindwa kutimiza wajibu wao wa kudhibiti utoro shuleni na umbali mrefu wa kwenda na kurudi.

Akizungumza katika kikao hicho, Mkuu wa Mkoa wa Dodoma Mhe. Rosemary Senyamule amesema licha ya changamoto hizo katika sekta ya elimu, Wilaya ya Bahi imefanikiwa kushika nafasi ya kumi kitaifa katika matokeo ya darasa la saba mwaka 2022.

“Naipongeza sana Halmashauri ya Bahi kwa kushika nafasi ya kumi kwa mpangilio wa ufaulu wa Halmashauri kitaifa kwani wameifaharisha Mkoa mzima wa Dodoma. Natoa shime kwa Halmashauri nyingine kwenda kujifunza Bahi namna walivyofanya na kufanikiwa kuingia kwenye kumi bora za kitaifa. Pia tukafanye kazi kubwa kuhakikisha watoro wanarudi shuleni mwaka 2023” Amesema Mheshimiwa Senyamule.

Kwa upande wake, Katibu Tawala Mkoa Dkt. Fatuma Mganga naye ametoa rai kwa Wakurugenzi wa Halmashauri za Mkoa wa Dodoma kutoa msukumo kwa walimu kufundisha kwa bidii kwa lengo la kuongeza kiwango cha ufaulu.

Akitoa maoni yake juu ya maazimio ya mwaka 2023, Afisa Elimu Mkoa Bw. Gift Kyando amesema “Mwaka ujao tunaazimia wanafunzi wote watakaomaliza elimu ya msingi kurudi mapema shuleni kwa ajili ya kujiandaa na masomo ya kidato cha kwanza tofauti na ilivyokua mwaka huu kwani mitihani ilichelewa badala ya kufanyika mwezi Septemba imefanyika mwezi Oktoba ila mwakani itafanyika kama kawaida mwezi Septemba”

Katika kikao hicho Mkuu wa Mkoa wa Dodoma Mhe. Rosemary Senyamule ameziagiza Halmashauri kuongeze kasi ya kukusanya mapato na kutoa asilimia kumi. “Naziagiza Halmashauri zote kwa kushirikiana na wadau kuendelee kutengeneza madawati ili kupunguza upungufu uliopo, Halmashauri zikamilishe usimamizi wa sheria ndogondogo za upatikanaji wa chakula shuleni pamoja na kudhibiti utoro, kila shule itenge eneo la kuzalishia chakula kwa wanafunzi, vyuo vya ufundi viimarishwe” Alisisitiza Mhe. Senyamule.

 

 

MWISHO

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more