KATIBU TAWALA MKOA WA DODOMA DKT. FATUMA MGANGA AFUNGUA MAFUNZO YA PROGRAM YA SHULE BORA KWA WAANDISHI WA HABARI MKOA WA DODOMA

-





Katibu Tawala Mkoa wa Dodoma Dkt Fatuma Mganga ametoa rai kwa waandishi wa habari wanaofanya kazi ndani ya Mkoa huo kutangaza mafanikio yaliyopatikana katika sekta ya elimu  pamoja na kuyatangaza kwa jamii.

Rai hiyo ameitoa Januari 27, 2023 Wilayani Kondoa wakati akifungua mafunzo ya Siku Moja kwa maafisa habari na waandishi wa habari, yenye lengo la kuwajengea uwezo kufahamu Mradi wa Shule Bora na kuhamasisha jamii kushiriki kikamilifu Katika masuala ya elimu. 

Akizungumzia suala la maendeleo ya Elimu Katika Mkoa amesema suala la Elimu katika Mkoa wa Dodoma bado halijatangazwa vizuri na kuwataka waandishi wa habari wakawe chachu cha kuielimisha jamii.

Pia amempongeza Mhe. Rais Dkt. Samia Suluhu Hassan kwa jitihada zake za dhati za kuongeza pesa za maendeleo katika mkoa wa Dodoma ambapo shilingi bilioni 7.8 zimetolewa na kuwezesha kujenga vyumba vya madarasa 393 kwa Shule za Msingi na madarasa 130 yamejengwa kwa Shule za Sekondari yamejengwa kwa gharama ya shilingi Bilioni 20 

Aidha amewaeleza waandishi wa habari kuwa Rais Samia ameongeza bajeti ya Elimu bila malipo kwa Shule za Misingi na Sekondari.

Pamoja na jitihada hizo za serikali amewataka wazazi kushirikiana na serikali katika ujenzi na uhifadhi wa Miundombinu ya elimu ikiwemo ya madarasa ambapo ameeleza Mkoa kuwa na upungufu wa vyumba vya madarasa 7000, ambapo mwaka huu peke yake wanatarajia zaidi ya wanafunzi elfu 90 kuanza masomo. 

Aidha amewaomba wazazi wawapeleke watoto shule, wasiwafiche na kuwatumikisha Shughuli za kilimo na kazi za ndani.

Mbali na hilo amekemea dhana iliyozoeleka kwamba Mkoa wa Dodoma ni wa kutoa Wasaidizi wa Shughuli za ndani. 

Mpaka kufikia Januari 26 , 2023 ni asilimia 89.7 ya wanafunzi wa madarasa ya awali wameripoti shule, asilimia 94.2 Kwa darasa la kwanza na asilimia 66.95 kidato Cha kwanza.

“Mwisho nawaomba waandishi wa habari mkasaidie kutangaza mafanikio ya Mkoa  yaliyopatikana katika sekta ya elimu, ili jamii iweze kuyafahamu pia kurahisisha serikali kuendelea kutuunga Mkono katika jitihada zetu hizi”. Alisema Dkt. Mganga

 

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more