MRADI WA REST WAZINDULIWA DODOMA

-


    
  








 

Mkoa wa Dodoma umezindua rasmi mradi unaoshughulikia masuala ya afya ya uzazi kwa vijana, wanawake na watoto unaojulikana kama Reproductive Equity Strategic (REST) unaoendeshwa na shirika lisilo la Kiserikali la Deutsche Shiftung Weltbevolkerung (DSW) - Tanzania ambao utafanya kazi kwenye Wilaya tatu za Mkoa ikiwa ni pamoja na Dodoma mjini, Bahi na Mpwapwa. Mradi huo umezinduliwa na Mkuu wa Mkoa Mhe. Rosemary Senyamule kwenye kikao kilichofanyika ukumbi wa jengo la Mkapa.

Akizindua mradi huo Mkuu wa Mkoa wa Dodoma Mhe. Rosemary Senyamule amesema Serikali ya Awamu ya Sita imetoa kipaumbele katika sekta ya afya ikiwa ni pamoja na ujenzi wa miundombinu yake ili kuhakikisha wananchi wote wanapata huduma bora ya afya.

“Matokeo ya sensa ya mwaka 2022 yanaonyesha kuwa Tanzania ina jumla ya hospitali 676, vituo vya afya 1,466 na zahanati 7, 965. Tanzania Bara pekee ina hospitali 662, vituo vya afya 1,430 na zahanati 7,680 na mkoa wetu wa Dodoma una vituo vya afya 69 na zahanati 402. Hivyo ni muhimu sana kuendelea kuhamasisha wananchi hususan wakina mama wajawazito kutumia vituo vya afya kwa ajili ya kupata huduma, mpango wa Serikali ni kutokomeza vifo vya mama wajawazito na watoto wachanga ifikapo mwaka 2025” Amesema Mhe. Senyamule

Mheshimiwa Senyamule ametoa rai kwa waratibu na watekelezaji wa mradi huu kuweka malengo ya kufika kata nyingi zaidi za Mkoa wa Dodoma kwa lengo la kusogeza huduma kwa wananchi.

“Mradi huu unafanya kazi kwenye Kata 17 tu za Halmashauri hizi tatu, wakati Dodoma ina kata nyingi zaidi, tupange mkakati wa kuzifikia kata nyingi zaidi za mkoa ili muwe mfano wa kuigwa na kuvutia wengi zaidi kuwekeza Dodoma. Nitoe rai, mkafanye kazi kwa ufanisi mkubwa maana tunataka kila unachokifanya Dodoma, kifanyike kwa ufanisi kwani tunakwenda kuifaharisha Dodoma kwa mradi huu” Ameongeza Mhe. Senyamule

Kwa upande wake Mkurugenzi wa Shirika la DSW Bw. Peter Owaga, amesema “mradi huu unatekelezwa kwenye mikoa minne ya Tanzania ambayo ni ambayo ni Arusha, Dar es Salaam, Dodoma, Mwanza na kwa mkoa wa Dodoma unatekelezwa katika Wilaya tatu ikiwemo Dodoma mjini, Bahi na Mpwapwa chini ya mashirika ya DOYODO, WOWAP na FAEAF wakiongozwa na Shirika la DSW Tanzania

Lengo la mradi huu ni kuwajengea uwezo asasi zisizo za kiserikali na kusaidia wanawake na wasichana wanapata na wanatumia huduma za afya ikiwemo afya ya uzazi ili kuleta ustawi wao na kuweza kutimiza matarajio na malengo ya maisha yao. Mradi huu pia utasaidia utekelezaji wa sera na miongozo mbalimbali ya afya ya uzazi ikiwemo kupinga unyanyasaji wa kijinsia na ukatili dhidi ya wanawake, wasichana na watoto.


MWISHO

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more