TBS YATOA VYETI 29 VYA UBORA KANDA YA KATI

-












 

Katibu Tawala wa Mkoa wa Dodoma Bw. Ally Senga Gugu amewatunuku  Vyeti na Leseni wafanyabiashara na wazalishaji  ambao bidhaa zao zimethibitishwa Ubora wake  na Shirika la Viwango Tanzania (TBS) kwa wazalishaji wa kanda ya kati (Dodoma, singida na Tabora) pamoja na Iringa na kuwaasa wazalishaji kuhakikisha bidhaa zote zinazozalishwa viwandani zinazingatia kanuni bora za uzalishaji. 

Hafla hiyo imefanyika leo tarehe Aprili 28,2023 katika Ukumbi wa Jakaya Kikwete, jijini Dodoma.

"Kazi hii iliyofanywa na Wizara ya Viwanda, Biashara na Uwekezaji, kupitia TBS ni mwendelezo wa azma ya Serikali katika kuhakikisha wazalishaji wa bidhaa viwandani kama wadau muhimu wa maendeleo ya ubora na usalama wa bidhaa, wanazalisha bidhaa zinazokidhi matakwa ya Viwango vya ubora Kitaifa na kimataifa na kuhakikisha Watanzania wananunua  na kutumia bidhaa zenye ubora na ambazo ni salama kwa afya zao na mazingira 

 "Nitoe rai kwenu nyote ambao mmeshiriki kutimiza wajibu wenu kwa kuweka  uzalendo mbele kwa kuhakikisha bidhaa zinazozalishwa na kusambazwa nchini ni bora na salama. Sambamba na hilo niwaagize  muendelee kuwa mabalozi wazuri kwa wazalishaji wengine ambao bado hawajathibitisha ubora wa bidhaa zao, lengo likiwa ni kuwa na soko lenye bidhaa bora kwa matumizi ya ndani na nje ya Tanzania, ninaamini kuwa hafla hii ni njia mojawapo ya kuleta tija katika udhibiti wa bidhaa ndani ya Mkoa wetu, Kanda na Taifa kwa ujumla "amefafanua Gugu 

Naye, Meneja wa Kanda ya Kati Bw. Nikonia Mwabuka ambaye alimwakilisha Mkurugenzi Mkuu wa Shirika la Viwango Tanzania amesema wazalishaji kuendelea kuwa waaminifu na kuzingatia maelekezo wanayopatiwa na Shirika la Viwango  ili bidhaa ikithibitishwa ubora ni kuhakikisha kuwa afya za wananchi na mazingira zinalindwa kwa kila mmoja .

"Bidhaa ikithibitishwa ubora wake na nchi wanachama ndani ya jumuiya ya Afrika Mashariki  bidhaa hiyo itaingia katika nchi wanachama pasipo kukaguliwa na kupimwa tena ili kutambua ubora wake ." Amesema Mabuka 

Jumla ya Vyeti na Leseni 29 za wafanyabiashara na wazalishaji  zimetolewa na Shirika la Viwango Tanzania (TBS) kwa wazalishaji wa kanda ya kati (Dodoma, singida na Tabora) pamoja na Iringa.

MWISHO.

 

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more