-










 Mkuu wa Mkoa wa Dodoma Mhe Rosemary Senyamule leo tarehe 13 Agosti 2023 amefunga sherehe ya Wiki ya Jamhyatul Akhlaaqul Islaam (JAI) iliyoanza tangu tarehe 07 Agosti 2023 katika viwanja ya Nyerere Square Jijini Dodoma.

Akizungumza na wana JAI Senyamule amesema shughuli au kazi zinazofanywa na JAI ni zenye thamani ya juu kwa wananchi na zimetukuka mbele za mwenyezi Mungu.

“Kazi za JAI hazina ubaguzi wala upendeleo wa kabila, rangi, jinsia wala dini hata itikadi za siasa bali wanachoangalia ni kutoa huduma na kutarajia malipo kutoka kwa Mwenyezi Mungu.

“Kama mnavojua kuwa Serikali ya Awamu ya Sita inayoongozwa na Mhe. Dkt. Samia Suluhu Hassan, Rais wa Jamhuri ya Muungano wa Tanzania imefungua milango ya ushirikiano baina ya Serikali na Sekta Binafsi kwa ajili ya maendeleo endelevu ya wananchi ikiwemo taasisi za kidini” amesema Senyamule.

Naye sheikh Ally Kanda kiongozi na Amiri wa JAI wa Mkoa wa Dodoma amesema JAI ilianziwa mwaka 2008 na lengo kuu ni kutoa huduma za kimatibabu kwa wenye uitaji, kuunganisha watu na kupatanisha ndugu waliopoteana,kushughulikia maiti zisizo na ndugu, kutoa misaada ya utu kwa wazee wasio jiweza, kutoa maihitaji kwa magereza kama mavazi, dawa na huduma zote.

Kwa upande wake Sheikh wa Mkoa wa Dodoma Mustapha Rajab amesema taasisi ya JAI inamiaka nane tangu ifike katika Mkoa wa Dodoma na inafanya kazi na kuhamasisha jamii katika maeneo tofauti na kukemea tabia ambazo hazimpendezi Mwenyezi Mungu na kukataza kutenda maovu miongoni mwa taasisi zilizokubaliwa na kupewa kibali katika Serikali yetu

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more