KONGWA AFRICAN LIBERATION MARATHON YAFANA.

-










Mkuu wa Wilaya ya Kongwa Mhe. Remidius Mwema Emmanuel amesema mashindano ya 'Kongwa African Liberation Marathon' yana lengo la kuwakumbusha Watanzania namna Tanzania kupitia Wilaya ya Kongwa ilivyoshiriki katika kupigania Uhuru wa Mataifa Mengine ya Afrika.

Ni katika viwanja vya Saba Saba Halmashauri ya Kongwa leo Novemba 25/2023 kulipofanyika mbio hizo ambapo Mhe. Mwema ameweka bayana dhamira ya kuanzishwa kwa mbio hizo ni kuukumbusha Umma wa Watanzania namna Wilaya yake ilivyoshiriki katika kupigania Uhuru wa baadhi ya Mataifa ya kusini mwa Afrika.

"Tunachokifanya leo ni kuwakumbusha Watanzania ili watambue kuwa nchi Yetu hususan Mkoa wa Dodoma na Wilaya ya Kongwa, ilisaidia kwa kiasi kikubwa kupigania Uhuru wa baadhi ya Nchi za kusini mwa Afrika kupitia Kambi ya mafunzo ya wapigania Uhuru ambayo ilikuwa hapa Kongwa," Mhe. Mwema

Hata hivyo, Mhe. Mwema amebainisha kuwa mbio hizo za 'Kongwa African Liberation Marathon' zitaendelea kufanyika Kila mwaka huku wakiongeza wigo mpana kwa kuwashirikisha Mataifa mbalimbali ya Afrika.

"Tutaendelea kufanya  muendelezo wa mbio hizi mwaka 2024 na Miaka ijayo lakini mwakani tumepanga kuzifanya kwa upana wa kuyashirikisha Mataifa mbalimbali ambayo viongozi wake waliweka Kambi ya kupatiwa mafunzo hapa na baadhi yao walikuja Kongwa kujificha katika Mahandaki yanayopatikana hapa," Mhe. Mwema

Mkuu huyo ameyataja Mataifa ambayo viongozi wake wapigania Uhuru walifika Kongwa na kuweka Kambi ya muda kuwa ni pamoja na Msumbiji, Afrika kusini, Namibia, Angola, Zambia na Zimbabwe.

Kwa Upande wake Mkuu wa Wilaya ya Chemba Mhe. Gerald Mongela, akisoma Hotuba kwa niaba ya Waziri wa Utamaduni, Sanaa na Michezo Dkt. Damas Ndumbaro amesema Serikali kupitia Wizara hiyo imetenga Fedha maalum kwaajili ya ukarabati wa mahandaki yaliyotumiwa na viongozi wa Nchi kusini mwa Afrika.

"Nimefurahishwa kwamba mwaka wa Fedha 2023/24 Wizara kupitia kituo cha Urithi wa Ukombozi wa Afrika imetenga Fedha maalum ya kufanya ukarabati wa Mahandaki yaliyotumiwa na viongozi wa Nchi za Kusini mwa Afrika likiwemo Handaki lililotumiwa na Hayati Samora Machel wakati alipojihami na hatari", Amesema Dkt. Ndumbaro

Mbio hizo zilizoandaliwa na Ofisi ya Mkuu wa Wilaya kwa ushirikiano na Ofisi ya Mkurugenzi wa Kongwa pamoja na wadau mbalimbali, zimefanyika hii leo huku zikiwajumuisha  wakimbiaji wa mbio za 5km, 10km na 21km na washindi wamepatiwa zawadi za Fedha taslimu pamoja na Medali za pongezi kwa kushiriki na kumaliza mbio hizo.

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more