MAAFISA ELIMU KATA WANOLEWA KUPANDISHA UFAULU.

-














Mkuu wa Mkoa wa Dodoma Mhe. Rosemary Senyamule amewaelekeza Maafisa Elimu Kata wa Halmashauri zote 8 za Mkoa huo kuhakikisha wanatekeleza mpango Mkakati wa Elimu wa Mkoa ifikapo mwishoni mwa mwaka 2024.

Maelekezo hayo yametolewa tarehe 14/12/2023 katika ukumbi wa mikutano wa Shule ya Msingi St. Gaspal Miyuji Jijini Dodoma ulipofanyika Mkutano kazi.

Mkutano huo uliwajumuisha Maafisa Elimu Kata wote wa Mkoa wa Dodoma kwa dhumuni la kuinua ubora wa Elimu na Ufaulu wa Mkoa wa Dodoma.

"Nawaagiza muende mkatekeleze mpango Mkakati wa Mkoa na ifikapo mwisho wa mwaka 2024 Mkoa uwe na Ufaulu ubora kulingana na malengo yaliyowekwa kwenye mpango Mkakati wa Elimu wa Mkoa kwa mwaka 2024".Ameelekeza Mhe.Senyamule

Pia ,Mkuu wa Mkoa huyo amewaagiza Maafisa Elimu hao kuhakikisha Kila Mwanafunzi aliyechaguliwa kujiunga na kidato cha kwanza kwa muda uliopangwa kwa kushirikiana na watendaji wengine wa ngazi ya Kijiji na kata.

"Hali ya uripoti wa kidato cha kwanza kwa mwaka 2023 haikufikia 100% kwasababu waliochaguliwa kujiunga na kidato cha kwanza ilikuwa 47,853 na walioripoti ni 43,693 sawa na 91.32% na wasioripoti ni 8.69% hivyo kwa kushirikiana na watendaji wengine wa ngazi ya Kijiji na kata kahakikisheni watoto wote wanaripoti shuleni mapema", ameelekeza mhe. Senyamule

Aidha ,Akizungumza na Makutano Afisa Elimu Mkoa wa Dodoma Mwl. Vicent Kayombo amewaagiza Maafisa Elimu hao kuandaa na kukabidhi Maazimio Yao ya Mwaka 2024 kwa maafisa Elimu wa Wilaya ifikapo januari 5/2024.

" Nawaomba mkaandae Maazimio yenu na muyawasilishe kwa maafisa Elimu wa Wilaya kabla tarehe 5/ mwakani, lakini na nyie mtatakiwa kuwasimamia Walimu wawakabidhi Maazimio Yao kabla ya tar.5 januari , kitu cha kuwakumbusha ni kwamba januari 8 ni siku ya kuanza masomo na sio siku ya kuandaa Maazimio na Kama Mwl atashindwa kuandaa Maazimio itahesabika Afisa Elimu kata umeshindwa kazi yako na utachukuliwa hatua stahiki," Mwl. Kayombo.

Hata hivyo, Mwl.Kayombo amewaagiza Maafisa Elimu hao kuhakikisha wanatumia lugha ya kingereza pindi wanapofanya vikao mbalimbali vya kielimu na wanapokua katika mazingira ya Shule zote za Sekondari.

Kikao kazi hicho ni muendelezo wa vikao kazi vinavyofanyika ikiwa ni katika kuendelea na kuhakikisha Mkoa wa Dodoma unapanda katika Ufaulu wa Elimu ngazi ya Msingi na Sekondari kwa mwaka wa masomo 2024. 

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more