TIMU YA ITIFAKI YATAKIWA KUTAMBUKIWA NA VIONGOZI WAO

-






TIMU YA ITIFAKI YATAKIWA KUTAMBULIWA NA VIONGOZI WA

Vijana wanaosimamia Itifaki kwenye dhifa mbalimbali za Kiserikali na hata za Taasisi binafsi wametakiwa kujitambulisha kwenye ofisi zao ili waweze kutambulika na kutumika kwa ajili ya kusimamia taratibu na ustaarabu wakati wa shughuli tofauti tofauti zinazotekelezwa Mkoa wa Dodoma na Mikoa mingine pia pindi huduma yao inapohitajika.

Hayo yameelezwa Leo Desemba 15, 2023 na Mhe. Rosemary Senyamule wakati akifungua mafunzo siku tatu yanayotolewa kwa timu ya huduma ya Itifaki yanayofanyika kwenye ukumbi wa Chuo kikuu cha Mipango kilichopo Jijini Dodoma.

"Nimetiwa Moyo na vijana hawa kwa kuweza kuhudhuria mafunzo haya. Dodoma ikiwa ndio makao makuu ya nchi, Kuna takribani ofisi 100 za Serikali hapa hali inayopelekea kuwa na matukio mengi yenye uhitaji wa huduma hii. Kumekua na changamoto kwenye suala la usimamizi wa Itifaki kwenye dhifa mbalimbali.

"Mafunzo haya yatawasaidia huko muendapo na nitoe Wito kwenu, baada ya mafunzo haya, mukajitambulishe kwenye ofisi zenu ili mukihitajika muweze kutumika. Rais Mhe. Dkt. Samia Suluhu Hassan, anahimiza kufanyika mikutano mbalimbali hali inayopelekea kuhitajika watu wenye sifa kama zenu. Mafunzo yenu yatakua na faida kubwa kwa Dodoma" Amesema Mhe. Senyamule.

Awali akitoa hotuba fupi ya Timu hii, Mwenyekiti wake Bw. Hussein Aboubakar Hussein, amesema vijana hawa wanashauku kubwa ya kufanya maendeleo kwenye sekta ya kilimo hivyo ametoa ombi kwa Mhe. Mkuu wa Mkoa kupatiwa shamba la Hekari 50 na Mhe. Senyamule ameridhia ombi hilo na kuahidi kuwapatia kwa kuzingatia Mradi mkubwa wa Serikali wa BBT ulioanzishwa na Wizara ya Kilimo unaolenga vijana kujikita kwenye uwekezaji wa kilimo.

Pia timu hii imepata mafanikio kadhaa ikiwemo kutambulika na Mamlaka mbalimbali, kusimamia na kushiriki Itifaki wakati wa mbio za Mwenge, kupata usajili wa Kiserikali pamoja na kuandaa mradi wa kuwezesha watoto kwenda shule inayotarajiwa kuwa msaada kwa watoto ambao wanahitaji kwenda shule lakini wanakabiliwa na changamoto mbalimbali.

Timu ya Itifaki imesajiliwa tarehe 13 Machi 2023 kwa lengo kuu la kutoa huduma za kiitifaki na uendeshaji wa mikutano na dhifa mbalimbali ina washiriki 81 wakiwemo Maafisa Itifaki kutoka sehemu mbalimbali, waajiriwa na wasio waajiriwa kutoka Mikoa tofauti tofauti nchini.

 

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more