DCT NA NEEMA YA MILLIONI 32.8 MWITIKILA-BAHI

-

















Vifaa vya Shule vyenye thamani ya Tsh.Millioni 32.8 vimekabidhiwa katika Shule za Msingi Mwitikira, Lupeta Mwitikira B na Shule ya Sekondari Mwitikira kwa ufadhili wa Kanisa la St. Pauls Richmond kutoka Marekani kwa kushirikiana na kanisa la Anglican Dayosisi ya Central Tanganyika (DCT), ambapo makabidhiano hayo yamefanyika April 17, 2024 katika viwanja vya kanisa la Anglican Parish ya Mwitikila Wilayani Bahi.

Vifaa hivyo ni madawati 290, meza 13, Viti 113  na Mashine ya kuchapia na kutolea kopi (printer machine) vimekabidhiwa na Askofu wa DCT Dickson Daud Chilongani kwa kaimu Mkuu wa Mkoa wa Dodoma  Mhe. Mayeka S. Mayeka ambaye amewakabidhi uongozi wa Halmashauri ya Bahi na Uongozi wa Shule hizo.

Akizungumza katika Hafla hiyo Mhe.Mayeka amewataka wakazi wa kata ya Mwitikira kuacha tabia ya kuwaachisha Watoto wao shule na kuwapeleka katika majiji mbalimbali kwa lengo la kufanya kazi za ndani zisizo na maslahi katika Maisha ya Watoto hao.

“Kuna mawakala wanaobeba Watoto vijijini  nikuombe OCD na timu yako tuwasake hawa mawakala ambao kazi yao ni kutembea kutafuta mabinti wawasafirishe kwenye miji mbalimbali kufanya kazi za ndani, hawa ni watu wabaya kabisa watoto wenu wanakumbana na unyanyasaji mkubwa wa kijinsia huko mnakowapeleka wakafanye kazi hawawezi kusema ni siri yao acheni mara moja tabia hii,” ameagiza Mayeka

Aidha Mhe. Mayeka amewaomba uongozi wa kanisa hilo kuendelea kuunga Mkono juhudi za Serikali kwa kutokukata tamaa ya kujitolea vitu mbalimbali ambavyo vinagusa Maisha ya Watanzania hususan katika Sekta ya Elimu.

Naye Askofu Chilongani ameahidi kuendelea kushirikiana na Serikali katika Sekta ya Elimu kwa kuweka bayana kuwa Kanisa hilo limewagharamia zaidi ya watu 7000 kwa ngazi zote za Elimu pasi na kubagua Imani za Dini za watu hao.

Hata hivyo Mkurugenzi Mtendaji wa Halmashari ya Wilaya ya Bahi Bi. Zaina Mlawa amewapongeza DCT na kukiri kuwa misaada wanayoitoa imekuwa chachu ya kuongeza ufaulu kwa Shule za kata hiyo ikiwemo Shule ya Sekondari Mwitikila.



 

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more