BODABODA WATAKIWA KUCHUKUA TAHADHARI JUU YA ABIRIA WAO

-









Mkuu wa Mkoa wa Dodoma Mhe. Rosemary Senyamule ametoa angalizo kwa  Maafisa usafirishaji wa Pikipiki (bodaboda)  kuchukua tahadhari juu ya abiria wanaowapakia kutokana kuibuka kwa matukio ya kihalifu yanayofanywa na watu wasiojulikana dhidi ya Maafisa hao siku za hivi karibuni.

Rai hiyo imetolewa Juni 18, 2024 wakati wa muendelezo wa utekelezaji wa kauli mbiu "kero yako, wajibu wangu" kwenye mkutano wa hadhara na wananchi wa kijiji cha Bahi Sokoni katika Halmashauri ya Bahi wenye Lengo la  kusikiliza na kutatua kero zinazowakabili. 

"Bodaboda tuendelee kufuata maelekezo ambayo tunapewa juu ya umuhimu wa sisi kuchukua tahadhari ili kuongeza usalama wetu kwa kuangalia abiria tunao wapakia. Kama unaona humuelewi, achana naye usimpakie ili kuondoka na adha za namna hii" Ameagiza Mhe. Senyamule 

Kero hiyo, iliibuliwa na mmoja wa wakazi wa eneo hilo Bw. Andrew Laurent wakati wa mkutano huo ambapo amesema siku za hivi karibuni kumetokea matukio ya aina hiyo ambayo yamekuwa kero kwa Maafisa usafirishaji hao hivyo kuhatarisha usalama wao. 

Kwa upande wake, Mkuu wa Wilaya hiyo Mhe. Gift Msuya pamoja na kueleza mkakati wa Wilaya kukabiliana na uhalifu huo, amewasihi wananchi hususani Maafisa usafirishaji hao kushikamana kukabiliana na tatizo hilo. 

Awali kabla ya Mkutano huo, Mkuu wa Mkoa alishiriki kikao cha  Baraza la Madiwani kujadili ripoti ya Mkaguzi na Mdhibiti Mkuu wa Hesabu za Serikali (CAG) kwa hesabu zilizoishia Juni 30, 2023. 

Naye Mjumbe wa Halmashauri Kuu ya Chama Cha Mapinduzi (CCM) anayewakilisha Mkoa wa Dodoma na Mwenyekiti wa Halmashauri ya Wilaya ya Bahi Donald Mejitii ameipongeza Halmashauri hiyo kwa kupata Hati Safi na kuwasihi kuendelea na mshikamano huo. 

Kadhalika Mhe. Senyamule, ameiagiza Wilaya ya Bahi kupeleka mapato ya ndani kiasi cha Shilingi shilingi Milioni 223 kwenye Miradi ya maendeleo kama ilivyoainishwa kwenye ripoti ya CAG.

$$$

#keroyakowajibuwangu
#dodomafahariyawatanzania

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more