WENGE WA UHURU DODOMA KUPITIA MIRADI YENYE THAMANI ZAIDI YA SH.BILIONI 21.2

-










Mwenge wa Uhuru Mkoani Dodoma unatarajiwa kupitia jumla ya miradi 56 yenye thamani ya Jumla  ya Shilingi Bilioni 21.2. Mwenge huo utakimbizwa kwa siku nane katika Halmashauri zote nane za Mkoa huo na utakimbia kwa Kilometa 1,484  .

Taarifa hiyo imetolewa leo tarehe 27.06.2024 na  Mkuu wa Mkoa wa Dodoma Mhe. Rosemary Senyamule wakati akipokea Mwenge wa Uhuru katika uwanja wa Mpira wa Kata ya Chipogoro kwenye Wilaya ya Wilaya ya Mpwapwa kutoka kwa mkuu wa Mkoa wa Iringa Mhe. Peter Serukamba.

Mhe. Senyamule amesema Mwenge huo utakuwa chachu ya uzinduzi wa miradi mbalimbali ya kimaendeleo na kimkakati kwenye Mkoa wa Dodoma kwa maendeleo ya Wananchi na Taifa kwa ujumla.

Katika hatua nyingine, Mhe. Senyamule ameeleza kuwa kwa sasa Mkoa  huo  unaendelea na uhamasishaji wa wananchi kuhakiki majina yao katika daftari la kudumu la mpiga kura sambamba na kuwahamasisha kujitokeza kupiga kura katika uchaguzi wa Serikali za Mitaa pamoja na uchaguzi mkuu wa 2025.

Akizungumzia suala la kiafya amesema kuwa wanaendelea kuhamasisha wananchi kujitokeza kupima afya zao kwa hiari ili kutambua hali halisi ya usalama wao.

Hata hivyo, ameeleza kuwa hali ya maambukizi ya virusi vya ukimwi kwa Mkoa wa Dodoma imeshuka kwa kiasi kikubwa na kufikia asilimia moja ya maambukizi yake.

Kadhalika kwa upande wa  mazingira amesema, Mkoa wa huo  unaendelea kuhamasisha wananchi kupanda miti ya kutosha ikiwemo miti ya kivuli na matunda jambo ambalo litasaidia Mkoa wa Dodoma kuwa wa kijani.

Mwenge wa Uhuru 2024 unaongozwa na kauli mbiu ya: "tunza mazingira na shiriki uchaguzi wa Serikali za mitaa kwa ujenzi wa Taifa endelevu"


&&&


#mwengewauhuru2024 
#dodomafahariyawatanzania
#keroyakowajibuwangu

 

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more