KAMATI YA BUNGE TAMISEMI YATEMBELEA SOKO LA MACHINGA DODOMA

-













Na. Hellen M. Minja,
       Habari – DODOMA RS

Kamati ya Bunge ya Tawala za Mikoa na Serikali za Mitaa (TAMISEMI) leo Oktoba 28, 2024, imefanya ziara ya kikazi katika  Ofisi ya Mkuu wa Mkoa wa Dodoma na baadae  kukagua soko la wazi laWajasiriamali Wadogo (Machinga) lililojengwa katika kata ya Majengo, Mtaa wa Kitenge, tawi la Bahi Road.

Kamati hiyo iliyoongozwa na Mwenyekiti wake Mhe. Justin L. Nyamoga pamoja na naibu waziri wa TAMISEMI Mhe. Festo Dugange, imetembelea na kujionea namna soko hilo lililojengwa kwa fedha kutoka Serikali Kuu pamoja na mapato ya ndani ya Halamashauri ya Jiji la Dodoma linavyoendeshwa.

Akizungumzia ukusanyaji wa ushuru wa soko kwa mwaka wa fedha 2023/2024 wakati akitoa taarifa ya uendeshaji wa soko hilo la wazi la Machinga, Mkurugenzi wa Jiji la Dodoma Dkt. Frederick D. Sagamiko amesema;

“kwa kipindi cha Julai, 2023/Juni 2024, soko la Machinga limeweza kukusanya kiasi cha shilingi Milioni 460 kati ya bilioni 1 iliyokisiwa, sawa na 46% ya lengo. Mwaka wa fedha 2024/2025, jumla ya shilingi 1,902,895,000 zimepangwa kukusanywa kutoka vyanzo mbalimbali vya mapato ndani ya soko na kwa kipindi cha robo ya kwanza, shilingi 130,346,801 zimekusanywa” Dkt. Sagamiko

Hata hivyo, Mkuu wa Mkoa wa Dodoma Mhe. Rosemary S. Senyamule, amesema;

“Nitafuatilia idadi kamili ya watu waliopo pale ili kupata uhakika kamili wa mapato yanayozaliwa. Juhudi mbalimbali zimefanyika ili kufanya uhai wa lile soko uweze kuongezeka kwani kila mwaka tumekua tukifanya kile kinachowezekana ili kufikia mahitaji yote ambayo machinga wamekua wakiyaomba”.

Nae, Katibu wa soko hilo Bw. Marko S. Mwagale, amezungumzia changamoto kadhaa zinazoendelea kulikabili soko hilo huku akitaja uchache wa wateja wanaofika hapo kutokana na idadi ndogo ya mabasi ya abiria wa ndani maarufu kama daladala zinazopakia na kushusha abiria sokoni hapo.

Akihitimisha ziara hiyo, Mwenyekiti wa Kamati hiyo ametoa maelekezo kadhaa yakiwemo; kusitishwa kwa zoezi la kutafuta Mzabuni wa soko, kuweka mfumo wa malipo ya ushuru kwa ‘control number’, miundombinu ya eneo la wauza mbogamboga iboreshwe pia, Kamati imehitaji kupatiwa mpango juu ya eneo la Sabasaba lililopo Jijini humu.

 

#kurayakosautiyako               
#ujanjanikupigakura    
#dodomatukotayarikupigakura
#mtiwangubirthdayyangu












 

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more