KAMPUNI YA OFFGRIDSUN YATAMBULISHA MRADI WA MAJIKO SANIFU NA BANIFU DODOMA

-






Na. Hellen M. Minja,         
       Habari – DODOMA RS

Mkuu wa Mkoa wa Dodoma Mhe. Rosemary S. Senyamule, leo Oktoba 29, 2024, ametembelewa na ugeni kutoka Kampuni ya OFFGRIDSUN ya nchini Italia katika ofisi yake iliyopo katika jengo la Mkapa Jijini Dodoma.

Kampuni hiyo inayojishughulisha na usambazaji wa nishati jua (solar enegy) kwenye nchi za Kenya, Rwanda, Angola na Tanzania, kwa sasa imekuja na mradi mwingine mpya wa ‘Green Cook stove’ utengenezaji na usambazaji wa majiko sanifu na banifu yanayotumia nishati safi.

Lengo la kumtembelea Mkuu wa Mkoa ni kutambulisha mradi huo unaotekelezwa kwenye mikoa mitatu hapa nchini ambayo ni Dodoma, Morogoro na Tanga. Mkoani hapa, mradi unatekelezwa kwenye Halmashauri mbili za Chamwino na Kongwa ambapo lengo ni kuzifikia kaya 23,000 za Chamwino na 26,000 za Kongwa.

Akitoa ufafanuzi juu ya lengo la mradi huo hapa Dodoma, mwakilishi wa Kampuni hiyo nchini Bi. Valentina Quaranta, amesema;

“Mradi unalenga kusambaza majiko sanifu yatakayopunguza uzalishaji wa hewaukaa kwa asilimia 50. Katika kipindi cha miaka miwili, tunatarajia kusambaza majiko 200,000 ambapo kwa kuanza, kwa mwaka mmoja tutazalisha majiko 20,000 na kila mwaka tutaweza kuzalisha majiko 40,000”. Bi. Quaranta

Mkuu wa Mkoa wa Dodoma ameishukuru Kampuni hiyo kwa kutumia fursa na kuunga mkono juhudi za Serikali kwenye matumizi ya nishati safi na kuongeza kuwa Serikali ipo kwenye mkakati wa kupunguza gharama za nishati ya gesi ili wananchi wote waweze kutumia.

“Ili mradi wenu uweze kuwafikia wanufaika wengi zaidi hasa maeneo hayo ya vijijini, ni vyema mkatoa majiko hayo bila gharama kwani Serikali kwa sasa ipo kwenye mkakati wa kupunguza gharama za gesi kwa kiasi kikubwa ili wananchji wake waweze kuitumia kupikia ili kufikia mwaka 2030, asilimia 80 ya wananchi wawe wanatumia nishati safi” Mhe. Senyamule.

Kampuni ya OFFGRIDSUN ilianza kufanya kazi mwaka 2022 na kuanza ushirikiano na Tanzania mwaka 2023. Ilianza kwa kutengeneza na kusambaza bidhaa zinazotumia nishati ya jua lakini kwa sasa inatengeneza na kusambaza majiko yanayotumia nishati safi yenye kiwanda chake Jijini Dar Es Salaam.

 

#kurayakosautiyako               
#ujanjanikupigakura                
#dodomatukotayarikupigakura
#mtiwangubirthdayyangu








 

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more