RAS DODOMA ATEMBELEA MRADI WA JP-RWEE UNAOTEKELEZWA CHAMWINO

-













Na. Hellen M. Minja,           
       Habari – DODOMA RS

Katibu Tawala Mkoa wa Dodoma Bw. Kaspar K. Mmuya, ametembelea vikundi vya kina mama wajasiriamali wadogo pamoja na wakulima wanaowezeshwa na mashirika ya kimataifa kulima na kutengeneza bidhaa kitaalamu katika Halmashauri ya Wilaya ya Chamwino Oktoba 29,2024.

Vikundi hivyo kutoka katika vijiji vya Chamwino Ikulu, Nayu na Dabalo vipo chini ya mradi unaojulikana kama JP-RWEE unaofadhiliwa na mashirika manne ya kimataifa ambayo ni FAO, IFAD, WFP na UN-WOMEN wenye lengo la kuboresha maisha ya wanawake waishio vijijini.

Akiongea na wanawake walio kwenye mradi wa kuwezeshwa kupata hati miliki za ardhi katika kijiji cha Nayu, Kata ya Badalo, Bw. Mmuya ametoa wito kwa mashirika hayo kuwashirikisha wanawake hao kwenye kila wanachokifanya ili waweze kuwa na uelewa wa kutosha.

“Shughuli zote za Serikali tunazozifanya, tuwaunganishe wananchi na Serikali yao wajue nini Serikali inawafanyia. Hiki ninachokieleza ni mpango wa Serikali kuwawezesha wananchi wake kumiliki ardhi kisheria, hiyo inatusaidia sisi kupunguza migogoro ya ardhi lakini pia kupunguza unyanyasaji wa kijinsia” Bw. Mmuya.

Aidha, akiwasilisha moja ya matokeo tarajiwa ya mradi kwa niaba ya Katibu Tawala Wilaya ya Chamwino, Afisa Kilimo wa Wilaya hiyo Bw. Living Kilawe, amesema, wanatarajia kuongezeka kwa upatikanaji wa rasilimali, mali na teknolojia muhimu kwa uzalishaji wa kilimo unaostahimili hali ya hewa na usalama wa chakula na lishe.

Kadhalika, Mratibu wa Mradi kutoka WFP Bw. Abiudi Gamba, amesema mradi wa JP-RWEE unatekelezwa kwa kipindi cha miaka mitano, umeanza mwaka 2022 na unatarajiwa kukamilika 2027 ukihamasisha kilimo cha mazao ya Mtama, mboga mboga na Alizeti lakini zaidi ya hayo kuna shughuli za kiuchumi zinazofanyika.

Mradi wa JP-RWEE unatekelezwa katika Kata 18 na Vijiji 40 ukilenga jumla ya wanawake 8,000. 3,500 kutoka Mkoa wa Singida (Ikungi), 3,500 kutoka Dodoma (Chamwino) na 1,000 kutoka Zanzibar ili kuhakikisha haki na ustawi wa wanawake unafikiwa kuelekea Agenda 2030 ya Maendeleo Endelevu.

 

#kurayakosautiyako               
#ujanjanikupigakura               
#dodomatukotayarikupigakura
#mtiwangubirthdayyangu















 

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more