CCM YAHITIMISHA KAMPENI ZAKE KATIKA KATA YA MRIJO - CHEMBA

-










Na. Hellen M. Minja,
       Ha sobari – DODOMA RS


Chama cha Mapinduzi (CCM) Mkoa wa Dodoma, leo Novemba 26, 2024, kimehitimisha rasmi kampeni zake kuelekea uchaguzi wa Serikali za mitaa unaotarajiwa kufanyika Novemba 27, 2024 katika viwanja vya Kata ya Mrijo, Wilaya ya Chemba.

Akizungumza na wananchi wa Kata hiyo wakati wa zoezi la kufunga Kampeni hizo, Katibu wa NEC Oganaizesheni Ndugu Issa Gavu, aliyekuwa mgeni rasmi amesema;

“Lazima tutulie sana na tufanye maamuzi yenye faraja na manufaa kwa ajili ya vizazi vyetu. Jukumu letu kwenu ni kuhitaji amani upendo na utulivu, jukumu la kuleta maendeleo tunalipenda. Chama chetu kina amini jukumu la uongozi ni kuwatumikia wananchi na si mtu mwenyewe” Ndugu Gavu

Akitoa takwimu za idadi ya wagombea waliojitokeza na waliopitishwa na Chama hicho wakati wa mchakato wa kuwapata wagombea wa nafasi mbalimbali, Katibu wa CCM Mkoa Ndugu Pili Mbanga amesema;

“CCM ilipata wagombea 29,447 ambapo wanaume ni 20,875 na wanawake ni 8,572. Jumla ya wanachama walioteuliwa kugombea nafasi mbalimbali ni 17,527 huku wanawake walioteuliwa katika mitaa na vijiji ni 44 huku jumla ya walichaguliwa katika vitongoji ikiwa 397. Vijana waliojitokeza kugombea nafasi ni 621. Mkoa unaendelea kusimamia ilani ya uchaguzi ikiwa ni pamoja na kutoa huduma bora kwa wananchi” Ndugu Mbanga

Mbunge wa jimbo la Chemba Mhe. Mohamed Moni, amesema Kata ya Mrijo ndiyo imepata fedha nyingi kwa ajili ya utekelezaji wa miradi ya maendeleo ikiwemo elimu na afya.

“Katika Kata iliyopata fedha nyingi kutoka Serikali kuu lakini pia katika mapato ya ndani ni Kata ya Mrijo. Tumepokea zaidi ya Bilioni 3 kwenye elimu ikiwa ni pamoja na ujenzi wa shule mpya ya sekondari iliyogharimu Shilingi MIlioni 540, zaidi ya shilingi Milioni 140 kukarabati shule ya zamani pamoja na shule 2 mpya za msingi. Tumepata Zahanati mpya mbili (2)” Mhe. Moni

Kadhalika, Katibu Mkuu UWT Ndugu Suzan Kunambi, ametoa hamasa kwa wanawake kujitokeza kwa wiki wakiambatana na familia zao siku ya Jumatano Novemba 27, kupiga kura za ndio kwa chama cha Mapinduzi kwani ndicho chenye kuleta maendeleo ya kweli kwa wananchi.

“Serikali za Mitaa, Sauti ya Wananchi, Jitokeze Kushiriki Uchaguzi”

 
#kurayakosautiyako               
#ujanjanikupigakura               
#dodomatukotayarikupigakura
#mtiwangubirthdayyangu










 

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more