RAIS AMEWEKA MAZINGIRA WEZESHI KWA WATU WENYE ULEMAVU.

-





Mkuu wa mkoa wa Dodoma Mhe.Rosemary Senyamule (Kushoto) akipokea Tuzo kutoka kwa Naibu Waziri Ofisi ya Waziri Mkuu (Sera,Bunge na uratibu) Mhe. Ummy Nderiyananga kwa ajili ya kutambua ushiriki wake kwenye chakula cha pamoja na watu wenye ulemavu katika ukumbi wa Jakaya kikwete Conection Jijini Dodoma.









Na; Sofia Remmi.
       Habari - Dodoma RS

Naibu Waziri, Ofisi ya Waziri Mkuu, Sera,Bunge na Uratibu Ummy Nderiananga amempongeza  Rais Dk.Samia Suluhu Hassan kwa kuweka mazingira wezeshi katika Sekta ya Elimu,ambayo lengo lake ni kuhakikisha watu wenye Ulemavu wanapata elimu bila vikwazo.

Mhe. Nderiananga ameyasema hayo  leo Novemba 24, 2024 wakati wa hafla maalumu ya chakula cha pamoja na Watu wenye Ulemavu iliyoandaliwa na 'Tanzania Foundation For Excellence in Disabilities' (tfed).

Akizungumza wakati wa hotuba yake,Mhe. Nderiananga Amesema kuwa Mhe. Rais ameendelea kutoa fedha kwa ajili ya kununua vifaa vya kujifunzia na kufundishia,sambamba  na kutoa mikopo  ili kuhakikisha kuwa Watu Wenye Ulemavu wanajikwamua kiuchumi.

"Serikali ya Awamu ya Sita chini ya uongozi wa Rais Dk.Samia iko pamoja na Watu Wenye Ulemavu, ndio maana imekuwa ikifanya jitihada mbalimbali za kuboresha miundombinu ya shule Ili kuhakikisha wanapata haki ya elimu kama watu wengine "Mhe. Nderiananga.

Ameongeza kuwa  Serikali imeendelea kutoa mikopo ya asilimia 10 kupitia Halmashauri ambapo na Watu Wenye Ulemavu wamekuwa wakinufaika kwa kiasi  kikubwa.

Katika hatua nyingine Mhe Nderiananga,amekabidhi Laptop 45, vishikwambi 35,  fimbo nyeupe  200 magongo 100, Baiskeli 20 majiko ya gesi 400 na Vitimwendo 20 ambavyo vimetolewa na Taasisi inayoshughulika na masuala ya watu wenye Ulemavu (tfed).

Kwa Upande wake Mkuu wa Mkoa wa Dodoma, Mhe. Rosemary Senyamule amesema Rais Dk Samia ameendelea kuwajali na kuwaenzi watu wenye Ulemavu kwa namna mbalimbali.

"Mheshiwa Rais ameendelea kutoa fedha kwa ajili ya kujenga shule za watu wenye Ulemavu ili kuhakikisha kundi hili linapata fursa ya kupata elimu bila vikwazo.

Serikali imeendelea kutenga fedha kwa ajili ya kutoa mikopo ya asilimia 10 kwa watu wote ikiwemo wenye Ulemavu lengo ni kuhakikisha wanashiriki katika shughuli za uzalishaji na kujikwamua kiuchumi," Mhe. Senyamule.

Mhe. Senyamule ameongeza kuwa  mwaka huu wa fedha Halmashauri tano zimetenga sh.milioni 19 kwa  ajili ya kutoa huduma mbalimbali kwa watu Wenye Ulemavu. Niwahakikishie kuwa Serikali itaendelea kuhakikisha kundi hili linaendelea  kuishi sawa na Watu wengine,"alisema

 Naye Mwenyekiti wa Shirikisho la Vyama vya Watu Wenye Ulemavu Mkoa wa Dodoma (SHIVYAWATA) Omary Lubuva  amewashukuru wadau kwa kuendelea kutoa ushirikiano na kuwaunganisha pamoja kupitia shughuli mbalimbali.

#kurayakosautiyako
#ujanjanikupigakura
#dodomatukotayarikupigakura
#mtiwangubirthdayyangu












 

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more