Yas YATAMBULISHA HUDUMA ZAKE MKOA WA DODOMA

-




Mkurugenzi wa Yas Kanda ya Kati Bw. Said Idd (kulia) akizungumza na Katibu Tawala Mkoa wa Dodoma Bw. Kaspar K. Mmuya katika ofisi ya Katibu Tawala huyo Jengo la Mkapa Jijini Dodoma, kutambulisha mabadiliko ya kampuni hiyo pamoja na kutambulisha huduma zake




Uongozi wa Kampuni ya Yas (awali Tigo) Kanda ya kati ulipofika kuzungumza na Katibu Tawala Mkoa wa Dodoma Bw. Kaspar Mmuya kutambulisha mabadiliko ya jina pamoja na kutambulisha huduma zake.







Picha juu na chini, uongozi wa Kampuni ya Yas ukimkabidhi zawadi Katibu Tawala Mkoa wa Dodoma Bw. Kaspar K. Mmuya baada ya kumaliza mazungumzo yaliyolenga kutambulisha jina jipya na huduma za kampuni hiyo ya mawasiliano.


 

Na. Hellen M. Minja,

      Habari – DODOMA RS

Uongozi wa Kampuni ya mawasiliano nchini, @Yas  umemtembea Katibu Tawala Mkoa wa Dodoma Bw. Kaspar Mmuya ofisini kwake jengo la Mkapa Jijini Dodoma leo Novemba 28, 2024 kwa lengo la kutambulisha mabadiliko yaliyotokea kwenye kampuni hiyo ambayo awali ilijulikana kama Tigo pamoja na huduma zake.

Katibu Tawala Mkoa wa Dodoma, amewashukuru kwa kufika kutambulisha mabadiliko hayo kwa Uongozi wa Mkoa na kuwataka kushirikiana kwa kila fursa itakayoonekana.

“Nawashukuru na ninawapongeza kwa mabadiliko yanayoonekana kwenye mawasiliano na watumiaji wamekubali mabadiliko hayo. Teknolojia ina harakisha maendeleo hivyo, kama kuna fursa yeyote hapa Mkoani mniambie kwa kuwa lengo ni kujenga huu Mkoa, ichukulieni Dodoma tofauti na muwe na mkakati maalum kwa ajili ya Dodoma” Amesema Bw. Mmuya.

Kadhalika, Mkurugenzi wa Kanda ya kati wa Kampuni hiyo Bw. Said Idd amesema kampuni hiyo imefanya mabadiliko kwa lengo la kuboresha huduma kwa ubora zaidi kwani mpaka sasa wameweza kuwafikia Watanzania Nchi nzima kwa mtandao wenye kiwango cha 4G na 5G.

Aidha,Mkurugenzi huyo aliongeza kuwa ;

"Tumebadilisha chapa yetu ili kuendana na maono yetu ya baadaye na kutoa huduma bora zaidi kwa wateja wetu. Chapa yetu mpya ina akisi dhamira yetu ya kuendeleza ubunifu, huduma bora kwa kuzingatia mahitaji ya wateja wetu wa Kanda ya Kati na Nchi nzima kwa Ujumla." 

Uongozi wa kampuni hiyo uliomtembelea Katibu Tawala Mkoa ni pamoja na Bw. Richard Mmari - Meneja Kanda ya kati, Tinna Mrisho - Meneja Masoko Kanda ya kati,Frank Anthony na Martin Mavura ambao ni Mameneja mauzo Dodoma.


#dodomafahariyawatanzania

#keroyakowajibuwangu         

#mtiwangubirthdayyangu









 

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more