RC SENYAMULE ATOA MSAADA WA MABATI KWA WAHITAJI

-



Mkuu wa Mkoa wa Dodoma Mhe. Rosemary Senyamule akimkabidhi fedha taslimu shilingi milioni moja Bw. Kombo Jumbe ofisi kwake Jengo la Mkapa Jijini Dodoma ikiwa ni msaada wa kununua mahitaji ya kumalizia kuezeka nyumba yake aliyojenga mpaka kiwango cha lenta.







Mkuu wa Mkoa wa Dodoma Mhe. Rosemary Senyamule (katikati) akiwakabidhi msaada wa mabati ya kuezekea nyumba zao Bw. Kombo Jumbe (kulia) na Bi. Farida Saidi ambao wote wamejenga kufikia kiwango cha lenta lakini wakashindwa kuezeka kutokana na changamoto mbalimbali.




Na. Hellen M. Minja, 

       Habari – DODOMA RS

Mkuu wa Mkoa wa Dodoma Mhe. Rosemary Senyamule, leo Januari 27, 2025, ametoa msaada wa mabati na fedha taslimu shilingi Milioni Moja kwa wakazi wawili wa Mkoa wake wenye mahitaji maalum ambao wote wamefanikiwa kujenga nyumba hadi hatua ya lenta lakini wameshindwa kupaua kutokana na changamoto mbalimbali zinazowakabili.

Akikabidhi msaada huo, kwenye viwanja vya ofisi yake Jengo la Mkapa Jijini Dodoma, Mhe. Senyamule amesema Mkoa unayo sababu ya kuwasaidia kumalizia pale walipofikia kwani tayari wameonesha juhudi za kuanza ujenzi wa nyumba na kuongeza kuwa Mhe. Rais anajali makundi yote katika jamii.

“Mhe. Dkt Samia Suluhu Hassan anajali makundi yote, ya kina mama na watu wenye ulemavu, ni makundi ambayo Serikali inayapa uzito wa pekee ndio maana tuliposikia uhitaji huu, tukaona tunayo sababu ya kupokea maelekezo ya Mhe. Rais ya kutekeleza yale ambayo yeye anatamani kuyaona kuhakikisha makundi haya yanakaa mahali salama” 

“Kupitia kuweka mabati kwenye nyumba zenu, naamini sasa mtakua salama. Niwaombe muende mkatumie mabati haya kwa lengo lililokusudiwa kama mlivyoomba. Wataalamu wa Ustawi wa jamii mpo hapa, mtakwenda kuwatembelea kuona kazi ambayo wameifanya kutokana na hiki kidogo walichokipata” Ameongeza Mhe. Senyamule

Kadhalika, Bw. Kombo Jumbe ambaye ni mnufaika mwenye ulemavu wa miguu, ameishukuru Serikali ya Mkoa kwa msaada na kuonesha kuwajali watu wa makundi maalumu kwani alianza kujenga nyumba lakini kutokana na changamoto aliyonayo, ameshindwa kumalizia kuezeka hivyo, msaada alioupata utamtosha kumalizia nyumba yake. 

Nae Bi. Farida Saidi, Mkazi wa Mkonze Jijini Dodoma, ambaye pia ni mnufaika wa mabati kwa ajili ya kuezekea nyumba yake, ametoa shukrani zake kwa Serikali ya Mkoa kwa kuonesha kuguswa na kadhia anayoipata hasa kipindi cha mvua kwani alijenga nyumba lakini akakwama kuezeka hali iliyopelekea kuweka maturubai pekee.



#dodomafahariyawatanzania

#keroyakowajibuwangu

#mtiwangubirthdayyangu














 

Comments

Post a Comment

Popular posts from this blog

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

TRAMPA KANDA YA KATI WAFANYA KIKAO DODOMA

-
Image
Na Sofia Remmi. Habari-Dodoma Rs Mwenyekiti wa Kanda ya Kati wa Chama cha Menejimenti ya kumbukumbu na Nyaraka Tanzania  'Tanzania Records and Archives Management Proffesionals Association (TRAMPA) Bw.John Kidasi amefanya kikao kazi na Viongozi  pamoja na Wawakilishi (CRs) wa Menejimenti ya kumbukumbu na Nyaraka kutoka Chuo cha Elimu ya Biashara (CBE) leo tarehe 15 Desemba 2024. Kikao hicho kimefanyika katika ukumbi wa Ofisi ya Mkuu wa Mkoa wa Dodoma Jengo la Mkapa, lengo likiwa kukitambulisha chama hicho   kwa baadhi ya wajumbe,wakifahamu vizuri wapi kilipotoka na muelekeo wake kwa siku zijazo. #dodomafahariyawatanzania  
Read more

BARAZA LA MITUME NA MANABII WAMTEMBELEA MKUU WA MKOA WA DODOMA

-
Image
Na Sofia Remmi  Habari-Dodoma Rs Mkuu wa Mkoa wa Dodoma Mhe.Rosemary Senyamule ametembelewa na ugeni kutoka Baraza la Mitume na Manabii wa Mkoa Dodoma leo tarehe 28 Oktoba 2024. Lengo la ugeni huo ni kujitambulisha na kumjulisha juu ya mkutano mkubwa wa Kitaifa wenye lengo la Kuliombea Taifa utakaofanyika katika Mkoa wa Mwanza tarehe 11/11/2024. #kurayakosautiyako #dodomatupotayarikujiandikisha  #ujanjanikupigakura  #keroyakowajibuwangu  #dodomafahariyawatanzania  
Read more