VIJANA WAASWA KUTOJIINGIZA KWENYE MATUMIZI YA DAWA ZA KULEVYA

-

 















Na Sofia Remmi.

Habari-Dodoma Rs


Mkuu wa Mkoa wa Dodoma,Mheshimiwa Rosemary Senyamule amewataka Vijana kuacha kujaribu kila kitu,kwani kwa kufanya hivyo,baadhi yao wamejikuta wakijiingiza katika matumizi ya dawa za kulevya ambayo matokeo yake ni kumomonyoka kwa maadili na kupotea  kwa nguvu kazi ya Taifa.

Mhe. Senyamule ameyasema hayo Machi 28,2025  wakati wa Kongamano la Vijana la Kupinga Matumizi ya Dawa za kulevya  lililoandaliwa na Mamlaka ya Kudhibiti na Kupambana na Dawa za Kulevya kwa kushirikiana na Tasisi isiyo ya kiserikali ya Taifa Forum.

"Sumu haionjwi,Wazee sio wepesi kujaribu kila kitu.Lakini Vijana mmekuwa wepesi kujaribu kila kitu, katika kujaribu huko, mnajikuta mmeingia kwenye kutumia Dawa za kulevya,kitu ambacho kinaharibu maisha yenu,kinasababisha mmonyoko wa maadili,lakini pia kinapunguza nguvu kazi ya Taifa.Acheni kujaribu kila kitu, ukiambiwa kitu hiki hakifai,acha,usijaribu kukifanya".Amesema Mhe. Senyamule

Mhe. Senyamule ameongeza kuwa nguvu kazi imekuwa ikipotea na chanzo cha yote ni Vijana kujiingiza kwenye dawa za kulevya,hivyo inawapasa kuepuka kutokujiingiza huko.

Aidha, amewataka Vijana kutumia Mitandao ya Kijamii  kwa faida badala ya kukesha kwenye mitandao kwa kuandika na kusoma vitu vinavyopotosha maadili.

Kadhalika, Mhe. Senyamule amewataka vijana kuwa makini na kuacha kudanganywa katika kipindi hiki ambacho Taifa linaelekea kwenye uchaguzi Mkuu wa Rais,Wabunge na Madiwani na ikibidi nao wajitokeze kugombea.

“Huu ni mwaka wa uchaguzi, sisi Tanzania tunahitaji amani, tunahitaji utulivu na watu wetu wanahitaji kuona tukiendelea kuwa hivyo, naomba mjiepushe na hayo yote lakini kikubwa tumieni TEHAMA kwa kuwa na tija,” amesisitiza Mhe.Senyamule.

Nae Mkurugenzi wa Taasisi ya 'Taifa Forum' Charles Hadson amesema kuwa kongamano hilo ni la pili kufanyika, ambapo mwaka jana aliwakutanisha vijana kwenye kongamano kubwa kama hilo Jijini Mwanza na kuwa matunda yake wameanza kuyaona.

Hadson amesema kwa Jiji la Dodoma wanaamini kuwa Vijana wa Vyuo watakwenda kuwa Mabalozi wazuri kwenye kuwaelimisha vijana wenzao ili waweze kuepukana na mtindo wa kuiga maisha.

Kwa upande wake Afisa wa Kudhibiti dawa za kulevya  Kanda ya Kati Anna Tengia amesema kuwa katika Mikoa ya Kanda ya Kati Vijana wanaumizwa zaidi na dawa ya kulevya aina ya Scanka ambayo inaharibu ubongo wao, hatimaye inawafanya  kushindwa kufikiri vizuri.

Anna ametaja umri ambao unapata tatizo hilo ni kuanzia miaka 13 hadi  miaka 35 hivyo ameomba Wazazi kuwa makini zaidi na watoto wao ili kuwasaidia kuvuka katika umri wenye ushawishi na kufikia umri wa kutambua mema na mabaya.

Kongamano hilo limehudhuriwa na Viongozi mbalimbali ikiwemo Kamati ya Ulinzi na Usalama ya Mkoa,Vijana kutoka vyuo mbalimbali vya Jijini Dodoma wameshiriki.Huku Vijana waliokuwa warahibu wa  dawa hizo ambao wameamua kuacha wakitoa shuhuda zao juu ya namna walivyoingia katika janga hilo,na athari walizozipata.

Comments

Post a Comment

Popular posts from this blog

WALIMU WA HALMASHAURI YA JIJI LA DODOMA WATAKIWA KUTIMIZA WAJIBU WAO

-
Image
  Katibu Tawala Mkoa wa Dodoma Bw. Kaspar K. Mmuya akizungumza na Walimu wa shule za Msingi na Sekondari zilizopo katika Halmashauri ya Jiji la Dodoma juu ya kutekeleza wajibu wao wakati wa kikao kazi cha  ufuatiliaji wa maendeleo ya Taaluma kilichofanyika katika ukumbi wa Shule ya Sekondari Dodoma Aprili 11, 2025. Afisa Elimu Mkoa wa Dodoma Mwalimu Vicent Kayombo akielezea namna ufuatiliaji wa Elimu unavyofanyika katika Mkoa wa Dodoma  wakati wa kikao kazi cha  ufuatiliaji wa maendeleo ya Taaluma kilichofanyika katika ukumbi wa Shule ya Sekondari Dodoma Aprili 11, 2025. Baadhi ya Maafisa Elimu wa Mkoa wa Dodoma wakifuatilia hotuba ya Katibu Tawala Mkoa wa Dodoma Bw. Kaspar K. Mmuya (hayupo pichani), wakati wa kikao kazi cha  ufuatiliaji wa maendeleo ya Taaluma kilichofanyika katika ukumbi wa Shule ya Sekondari Dodoma Aprili 11, 2025. Pichani ni baadhi ya Walimu wa Shule za Msingi na Sekondari za Halmashauri ya Jiji la Dodoma wakifuatilia hotuba ya Katibu Tawala...
Read more

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

‘WANAWAKE NA SAMIA’ 3000 MKOA WA DODOMA KUPATA MAFUNZO VETA

-
Image
  Mkuu wa Mkoa wa Dodoma Mhe. Rosemary Senyamule akizungumzia matamanio ya Mhe. Rais Dkt. Samia Suluhu Hassan kuwa na usawa kwa makundi yote katika jamii  alipokua akifungua mafunzo mbalimbali ya muda mfupi kwa ajili ya kundi la Wanawake na Samia Mkoa wa Dodoma, yatakayotolewa kwa kundi hilo na Chuo cha Mafunzo ya Ufundi Stadi (Veta) tawi la Jijini  Dodoma. Mkurugenzi Mkuu wa VETA CPA Anthony Mzee Kasore, akizungumzia namna Chuo chake kinavyofanya jitihada mbalimbali ili kuhakikisha wanawake wanaodahiliwa katika vyuo vya ufundi stadi wanaongezeka hadi kufikia 45% wakati wa hafla ya ku fungua mafunzo ya muda mfupi kwa kundi la Wanawake na Samia Mkoa wa Dodoma, yatakayotolewa na VETA Tawi la Jijini Dodoma. Mkurugenzi wa VETA Kanda ya Kati Bw. Ramadhan Mattaka akizungumza na Wageni waliojitokeza kwenye  hafla ya ku fungua mafunzo ya muda mfupi kwa kundi la Wanawake na Samia Mkoa wa Dodoma, yatakayotolewa na VETA Tawi la Jijini Dodoma juu ya kutoa hamasa kwa watu kujiung...
Read more