VISIMA 7 VYA UMWAGILIAJI KULETA MAPINDUZI MAKUBWA KWENYE KILIMO DODOMA

-

 











Na. Hellen M. Minja,
       Habari – DODOMA RS

Serikali ya Awamu ya Sita inaendelea kufanya Mapinduzi makubwa kwenye Sekta ya Kilimo Mkoa wa Dodoma kupitia Tume ya Taifa ya Umwagiliaji ambapo Machi 28,2025 Tume hiyo imefanya uzinduzi wa Mradi wa uchimbaji wa visima 7 vya umwagiliaji katika Kata ya Matumbulu Jijini humu.

Akizindua mradi huo, Mkuu wa Mkoa wa Dodoma Mhe. Rosemary Senyamule amesema kuwa Mapinduzi haya yanahitaji ushirikiano wa pande zote mbili ili kuleta matokeo chanja katika Kilimo.

“Haya ni Mapinduzi lakini yanataka pande zote, upande huu wa Serikali Mhe. Rais anakua amemaliza kwa kujenga kisima, upande wenu ni kuhakikisha  taratibu zote za kutumia hii rasilimali, kisima hiki kilete tija inayokusudiwa na Serikali na faida kwa maisha yenu kama matamanio ya Serikali yalivyo.”

Akizungumza na Wananchi hao, Mbunge wa Jimbo la Dodoma Mhe. Anthony Mavunde, amesema kazi ya uchimbaji wa kisima inayofanyika hapo inakwenda kuongeza wigo mpana kwa Wakulima kulima kwa tija kwani changamoto kubwa hasa kwenye zao la Zabibu ni kilimo cha tija ambacho kitamfanya mkulima alime eneo dogo apate mazao mengi.

Kadhalika, Mkurugenzi Mkuu wa Tume ya Taifa ya Umwagiliaji Bw. Raymond Mlolwa amesema Tume ina mpango wa kujenga njia za umwagiliaji kwenye mashamba hivyo, kwa kushirikiana na Ofisi ya Kata ya Matumbulu, watafanya usanifu wa eneo na kuweka kwenye ramani moja ili kupata idadi ya mabomba pamoja na aina ya tenki la kuhifadhia maji litakalojengwa katika eneo hilo. 

Mradi wa uchimbaji wa visima ni utekelezaji wa maelekezo ya Mhe. Rais kwa Tume hiyo kuwawezesha Wakulima wadogo kwa kuwawekea miundombinu ya umwagiliaji ili waweze kulima angalau heka 1 au 1 na nusu ambapo mradi huo utatekeleza uchimbaji wa visima zaidi ya 68,000 Nchi nzima ambapo kwa Mkoa wa Dodoma, unatekeleza uchimbaji wa visima 7 vya umwagiliaji. 




#dodomafahariyawatanzania
#keroyakowajibuwangu
#mtiwangubirthdayyangu










Comments

Post a Comment

Popular posts from this blog

WALIMU WA HALMASHAURI YA JIJI LA DODOMA WATAKIWA KUTIMIZA WAJIBU WAO

-
Image
  Katibu Tawala Mkoa wa Dodoma Bw. Kaspar K. Mmuya akizungumza na Walimu wa shule za Msingi na Sekondari zilizopo katika Halmashauri ya Jiji la Dodoma juu ya kutekeleza wajibu wao wakati wa kikao kazi cha  ufuatiliaji wa maendeleo ya Taaluma kilichofanyika katika ukumbi wa Shule ya Sekondari Dodoma Aprili 11, 2025. Afisa Elimu Mkoa wa Dodoma Mwalimu Vicent Kayombo akielezea namna ufuatiliaji wa Elimu unavyofanyika katika Mkoa wa Dodoma  wakati wa kikao kazi cha  ufuatiliaji wa maendeleo ya Taaluma kilichofanyika katika ukumbi wa Shule ya Sekondari Dodoma Aprili 11, 2025. Baadhi ya Maafisa Elimu wa Mkoa wa Dodoma wakifuatilia hotuba ya Katibu Tawala Mkoa wa Dodoma Bw. Kaspar K. Mmuya (hayupo pichani), wakati wa kikao kazi cha  ufuatiliaji wa maendeleo ya Taaluma kilichofanyika katika ukumbi wa Shule ya Sekondari Dodoma Aprili 11, 2025. Pichani ni baadhi ya Walimu wa Shule za Msingi na Sekondari za Halmashauri ya Jiji la Dodoma wakifuatilia hotuba ya Katibu Tawala...
Read more

WALIMU WATAKIWA KUFUNDISHA UZALENDO SHULENI.

-
Image
  Mkuu wa Mkoa wa Dodoma Mhe. Rosemary Senyamule akitoa maagizo kwa walimu (hawapo pichani) kuhusu kufundisha uzalendo kwa wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Mkuu wa Mkoa wa Dodoma Mhe. Rosemary Senyamule (katikati) akisalimiana na wanafunzi wa shule ya msingi Kusila Wilaya ya Bahi wakati alipofanya ziara ya kikazi kukagua miradi ya miundombinu inayoendelea kutekelezwa katika shule hiyo mnamo Januari 28, 2025.  Baadhi ya wajumbe wa Kamati ya Ulinzi na Usalama Mkoa wa Dodoma pamojna na Wataalamu mbalimbali waliombatana na Mkuu wa Mkoa wa Dodoma Mhe. Rosemary Senyamule (hayupo pichani) wakifuatilia maagizo yaliyotolewa juu ya kufundishwa uzalendo wanafunzi wa shule ya Msingi Kusila Wilaya ya Bahi. Picha juu na chini, baadhi ya wanafunzi wa shule ya sekondari Mwitikira katika Wilaya ya Bahi wakimsikiliza Mkuu wa Mkoa wa Dodoma Mh...
Read more

‘WANAWAKE NA SAMIA’ 3000 MKOA WA DODOMA KUPATA MAFUNZO VETA

-
Image
  Mkuu wa Mkoa wa Dodoma Mhe. Rosemary Senyamule akizungumzia matamanio ya Mhe. Rais Dkt. Samia Suluhu Hassan kuwa na usawa kwa makundi yote katika jamii  alipokua akifungua mafunzo mbalimbali ya muda mfupi kwa ajili ya kundi la Wanawake na Samia Mkoa wa Dodoma, yatakayotolewa kwa kundi hilo na Chuo cha Mafunzo ya Ufundi Stadi (Veta) tawi la Jijini  Dodoma. Mkurugenzi Mkuu wa VETA CPA Anthony Mzee Kasore, akizungumzia namna Chuo chake kinavyofanya jitihada mbalimbali ili kuhakikisha wanawake wanaodahiliwa katika vyuo vya ufundi stadi wanaongezeka hadi kufikia 45% wakati wa hafla ya ku fungua mafunzo ya muda mfupi kwa kundi la Wanawake na Samia Mkoa wa Dodoma, yatakayotolewa na VETA Tawi la Jijini Dodoma. Mkurugenzi wa VETA Kanda ya Kati Bw. Ramadhan Mattaka akizungumza na Wageni waliojitokeza kwenye  hafla ya ku fungua mafunzo ya muda mfupi kwa kundi la Wanawake na Samia Mkoa wa Dodoma, yatakayotolewa na VETA Tawi la Jijini Dodoma juu ya kutoa hamasa kwa watu kujiung...
Read more