RC DODOMA AKAGUA MIRADI YA ELIMU KATIKA SHULE YA MSINGI MAYAMAYA, AAGIZA WANAFUNZI WOTE KUREJEA SHULENI

-

 
































Na Mwandishi wetu
Habari - DODOMA RS 

Mkuu wa Mkoa wa Dodoma, Mhe. Rosemary Senyamule, tarehe 14, Januari 2026 amefanya ziara ya kikazi katika Shule ya Msingi Mayamaya iliyopo Wilayani Bahi kwa lengo la kukagua utekelezaji wa miradi ya miundombinu ya elimu.

Akiwa shuleni hapo, Mhe. Senyamule amesisitiza wajibu wa watendaji wa kata na vijiji kuhakikisha kuwa ndani ya wiki hii wanafunzi wote wanarejea shuleni kuendelea na masomo yao.

“Ninaagiza watendaji wa kata na vijiji kupita kaya kwa kaya kuhakikisha kila mwanafunzi anarejea shuleni. Hatupaswi kuwa na mtoto anayebaki nyumbani wakati wenzake wakiendelea na masomo, kwani hali hiyo inarudisha nyuma maendeleo ya elimu,” alisema Mhe. Senyamule.

Kwa upande wake  Mkuu wa Wilaya ya Bahi, Mhe. Joachim Nyingo, amemshukuru Rais wa Jamhuri ya Muungano wa Tanzania,Mhe. Dkt. Samia Suluhu Hassan, kwa uwekezaji mkubwa alioufanya katika Mkoa wa Dodoma, hususan Wilaya ya Bahi na Kata ya Zanka, unaolenga kuboresha sekta ya elimu na maendeleo kwa ujumla.

Naye  Mkurugenzi wa Halmashauri ya Wilaya ya Bahi, Bi. Albina Mtumbuka, amesema kuwa Shule ya Msingi Mayamaya imepokea jumla ya shilingi milioni mia tatu na laki mbili kwa ajili ya ujenzi na ukamilishaji wa miundombinu ya elimu. Fedha hizo zilipokelewa tarehe 1 Mei 2025.

Ameeleza kuwa fedha hizo zimetumika kujenga jengo moja la utawala, vyumba sita vya madarasa ya elimu ya msingi, vyumba viwili vya madarasa ya elimu ya awali, pamoja na matundu 12 ya vyoo vya elimu ya msingi na matundu sita ya vyoo vya elimu ya awali.

Aidha, Mbunge wa Jimbo la Bahi, Mhe. Kenneth Ernest Nollo, amewahimiza Wananchi kujenga utamaduni wa kushukuru kwa juhudi na huduma wanazoendelea kupata kutoka Serikalini katika kuboresha sekta ya elimu.


#dodomafahariyawatanzania
#keroyakowajibuwangu
#kazinaututunasongambele




























Comments

Post a Comment

Popular posts from this blog

WALIMU WA HALMASHAURI YA JIJI LA DODOMA WATAKIWA KUTIMIZA WAJIBU WAO

-
Image
  Katibu Tawala Mkoa wa Dodoma Bw. Kaspar K. Mmuya akizungumza na Walimu wa shule za Msingi na Sekondari zilizopo katika Halmashauri ya Jiji la Dodoma juu ya kutekeleza wajibu wao wakati wa kikao kazi cha  ufuatiliaji wa maendeleo ya Taaluma kilichofanyika katika ukumbi wa Shule ya Sekondari Dodoma Aprili 11, 2025. Afisa Elimu Mkoa wa Dodoma Mwalimu Vicent Kayombo akielezea namna ufuatiliaji wa Elimu unavyofanyika katika Mkoa wa Dodoma  wakati wa kikao kazi cha  ufuatiliaji wa maendeleo ya Taaluma kilichofanyika katika ukumbi wa Shule ya Sekondari Dodoma Aprili 11, 2025. Baadhi ya Maafisa Elimu wa Mkoa wa Dodoma wakifuatilia hotuba ya Katibu Tawala Mkoa wa Dodoma Bw. Kaspar K. Mmuya (hayupo pichani), wakati wa kikao kazi cha  ufuatiliaji wa maendeleo ya Taaluma kilichofanyika katika ukumbi wa Shule ya Sekondari Dodoma Aprili 11, 2025. Pichani ni baadhi ya Walimu wa Shule za Msingi na Sekondari za Halmashauri ya Jiji la Dodoma wakifuatilia hotuba ya Katibu Tawala...
Read more

‘WANAWAKE NA SAMIA’ 3000 MKOA WA DODOMA KUPATA MAFUNZO VETA

-
Image
  Mkuu wa Mkoa wa Dodoma Mhe. Rosemary Senyamule akizungumzia matamanio ya Mhe. Rais Dkt. Samia Suluhu Hassan kuwa na usawa kwa makundi yote katika jamii  alipokua akifungua mafunzo mbalimbali ya muda mfupi kwa ajili ya kundi la Wanawake na Samia Mkoa wa Dodoma, yatakayotolewa kwa kundi hilo na Chuo cha Mafunzo ya Ufundi Stadi (Veta) tawi la Jijini  Dodoma. Mkurugenzi Mkuu wa VETA CPA Anthony Mzee Kasore, akizungumzia namna Chuo chake kinavyofanya jitihada mbalimbali ili kuhakikisha wanawake wanaodahiliwa katika vyuo vya ufundi stadi wanaongezeka hadi kufikia 45% wakati wa hafla ya ku fungua mafunzo ya muda mfupi kwa kundi la Wanawake na Samia Mkoa wa Dodoma, yatakayotolewa na VETA Tawi la Jijini Dodoma. Mkurugenzi wa VETA Kanda ya Kati Bw. Ramadhan Mattaka akizungumza na Wageni waliojitokeza kwenye  hafla ya ku fungua mafunzo ya muda mfupi kwa kundi la Wanawake na Samia Mkoa wa Dodoma, yatakayotolewa na VETA Tawi la Jijini Dodoma juu ya kutoa hamasa kwa watu kujiung...
Read more

KAMATI YA USALAMA MKOA WA DODOMA YAFANYA ZIARA PORI LA AKIBA MKUNGUNERO, KONDOA

-
Image
  Msafara wa Kamati ya Usalama Mkoa wa Dodoma ukiongozwa na Mwenyekiti wake Mkuu wa Mkoa wa Dodoma Mhe. Rosemary Senyamule ukiingia kwenye Pori la Akiba Mkungunero Wilaya ya Kondoa kwa ajili ya ziara ya siku mbili kuangalia maendeleo ya shughuli za Utalii hususan Wanyamapori wanaopatikana katika Pori hilo linalosimamiwa na Mamlaka ya Usimamizi wa Wanyamapori Tanzania (TAWA) Januari 9, 2026 Kikundi cha Ngoma ya asili kutoka Wilaya ya Kondoa kikitoa burudani wakati wa mapokezi ya Kamati ya Usalama Mkoa wa Dodoma iliyoongozwa na Mkuu wa Mkoa wa Dodoma Mhe. Rosemary Senyamule ilipoingia kwenye moja ya Kambi za Pori la Akiba Mkungunero kwa ajili ya ziara ya siku mbili kuangalia maendeleo ya shughuli za Utalii hususan Wanyamapori wanaopatikana katika Pori hilo linalosimamiwa na Mamlaka ya Usimamizi wa Wanyamapori Tanzania (TAWA) Januari 9, 2026 Mwenyekiti wa Kamati ya Usalama Mkoa wa Dodoma na Mkuu wa Mkoa wa Dodoma Mhe. Rosemary Senyamule akisaini kitabu cha wageni baada ya kuwasili kwe...
Read more